Sport
Interhuis
berei atlete voor vir Ko-ed
Lucille Hoffman
SKOTE het geklap,
wedlope is voltooi en wenners aangewys tydens die jaarlikse Interhuisbyeenkoms.
26 Rekords is gebreek en 2 geëwenaar. Trofees vir beste prestasies is verower deur:
Dimitri Janari (o.17 200m), Jolandi de Villiers (beste junior prestasie, o.15
800m), Quinten Kearns (beste junior, o.15 3000m), Celeste Marais (beste
prestasie, o.17 spiesgooi ), Kobus Rossouw (beste prestasie, o.19 verspring).
In die kragmeting tussen
die onderwysers en oudleerlinge tydens die 4 x 100 m aflos, het die onderwysers
gewys dat hulle enige geveg met ‘n paar honderd meter sal wen.
Met die aankondiging
dat Brink die sangbeker gewen het, het die dirigente van dié span mnr. Theron
amper uit die grond gestorm om hulle prys op te eis. Cilliers het vir die
soveelste keer gewys hulle kán maar aan atletiek deelneem.
Kobus Rossouw en
Leorine de Wet is na ‘n besige dag op die atletiekveld aangewys as Victor en
Victrix Ludorum, terwyl Yolandi Stemmet en Heine Thiart onderskeidelik die junior titels ingepalm
het.
Rekordbrekers is:
Leorine de Wet (o.19
driesprong, 400m hekkies), Kobus Rossouw (o.19 verspring, hoogspring, 110m
hekkies, 400m hekkies), Monique Froneman (o.19 gewigstoot, diskus), Annerette
la Grange (o.19 hamergooi), Dimitri Janari (o.17 200m, 100m), Erin Gibson (o.17
800m), Leandré van der Merwe (o.17 800m, 400m hekkies, 1500m), Marisa de Kock
(o.17 hamergooi), Jolandi de Villiers (o.15 400m, 800m), Quinten Kearns (o.15
800 m, 1500m, 3000m), Alconray Botha (o.15 gewigstoot), Ruan Gie (o.14 100m
hekkies), Riaan de Wet (o.14 gewigstoot), Yolandi Stemmet (o.14 200m hekkies)
Mnr. Louis Stockigt,
atletiekafrigter, sê: “Dit gaan moeilik
wees om ons atlete tydens die Ko-ed te klop. Veral ons meisiespan is in puik
vorm.”
Sportprofiel –Mario Olivier
Lucille Hoffmann
MARIO Olivier het nou al ‘n geruime tyd lank bewys dat hy krieket kan speel. Vroeër vanjaar was hy op ‘n kriekettoer na Nederland om af te rig en ondervinding op te doen. ‘n Voormalige Wes-Indiese openings-kolwer en bouler, Nolan Clark, het aan hom ook die fynere kunsies van kolfwerk en boulwerk geleer.
Volgens hom is die Nederlanders baie hulpvaardig en gasvry. Hy het by groot krieketondersteuners tuisagegaan en het goed bevriend geraak met hul seun. Die ondervinding en ervaring wat hy daar opgedoen het, kom hom nou baie goed te pas.
Sy loopbaan het al begin nog voor hy in die BHS was. In sy o.16 jaar in Pretoria het hy sy Noord-Transvaal kleure verwerf en besluit om met krieket aan te hou. Duidelik kan ons nou sien dat hy die vrugte van hierdie besluit pluk. Allan Donald is sy krieketheld. “Omdat hy hard gewerk het en nog steeds alles doen om die beste bouler in die wêreld te wees.”
Sy toekomsideale is om
eendag vir W.P. en Suid-Afrika te kan krieket speel. Sy ma, pa en mnr. Jannie
Muller is uitgesonder toe ek vra van wie hy ondersteuning kry.
Gunsteling kossoort:
Pizza en Pasta
Gunsteling tydskrif:
Enige sporttydskrif
Gunsteling tydverdryf:
Oefening en om krieket op T.V. te kyk.
Dit is vanselfsprekend
dat daar ‘n blink toekoms op hierdie Brakkie wag. Hy het dan al selfs sy hare
afgeskeer, net om te verseker dat die windweerstand nie sy krieketspel belemmer
nie.
Christa en Wayne slaan
kishoue
Josia van der
Westhuizen
Re Vera
het met twee van Brackenfell se beste tennisspelers, Wayne Nikiforou en Christa
Potgieter gesels. Wayne speel tennis vandat hy 7 jaar oud is. Hy oefen twee dae
per week vir drie ure lank. Van sy grootste prestasies was om tweekeer
WP-kleure te verwerf. Hy is ook elke jaar, sedert o.10, uitgenooi om vir die
WP-uitnodigingspan te speel.
Na skool wil hy aan
die Universiteit van Stellenbosch gaan studeer en dan ook aanhou met tennis. Sy
leuse is om nooit moed op te gee nie.
Christa het
tennis-afrigting gekry vandat sy 5 jaar oud is en is altyd deur haar ma
aangemoedig. Een van haar grootste prestasies was om in die dubbels finaal van
die Seralon-toernooi te speel. Sy is tans Hoërskool Brackenfell se nommer-een-speler.
Vonnie Mostert, haar
afrigter, speel ’n baie belangrike rol in haar tennisloopbaan.. Haar grootste
sportheld is Laten Hewitt en behalwe tennis, swem sy ook graag.
Umtata
op horings geneem
Lucille Hoffmann
IN die September-vakansie is 11 landloopatlete op ‘n toer na Umtata om te gaan deelneem aan die SA-Kampioenskappe. Terwyl hierdie atlete op ‘n groot W.P. bus geklim het, het 9 Brakkie-ondersteuners hulle agterna gesit in 2 skoolbussies.
Na 17 ure se ry, het
‘n klomp moeë brakkies hulself begin inspan om aan die belangrikste kompetisie
van die landloopseisoen deel te neem.
Donderdag was
onsettend warm en daar het nie minder nie as twee atlete in elke resies flou
geword. Gelukkig het geen van ons atlete enige moeilikheid ondervind nie. Elke
Brakkie was suksesvol in sy/ haar wedloop. Ouinton Kearns het ‘n uitsonderlike
6de plek in die o.14 afdeling ingepalm.
Terug by die koshuis
in Oos-Londen het uitgeputte atlete en ondersteuners skuins gaan lê. Daar was
darem nog tyd vir ‘n paar malles om die koue van die swembad aan te durf.
Die res van die toer
was baie ontspannend. Die atlete is op uitstappies na, Wildernis, Heroldsbaai
en Victoriabaai. Daar is ook deelgeneem aan ‘n 10km pretloop. Almal het dit
lewendig tot by die wenstreep gemaak, die atlete en die ondersteuners.
So ‘n toer kan volgens
mnr. Stockigt, landloopafrigter, net op een manier beskryf word: “Dit was
cool!”